कचोरी

कचोरीच्या कवचासाठी:

1. ३ टेबलस्पून तेल गरम करून मैद्यात घाला.
2. त्यात मीठ घालून पाण्याने मैदा पुरीप्रमाणे घट्ट भिजवून घ्या.
3. भिजवलेला मैदा १५-२० मिनिटे झाकून ठेवा.

कचोरीच्या सारणासाठी:

1. ३-४ तासांसाठी डाळ पाण्यात भिजत ठेवा.
2. सगळं पाणी काढून टाकून डाळ ग्राइंडर किंवा फूड प्रोसेसर मध्ये भरड वाटून घ्या.
3. एका कढईत २ टेबलस्पून तेल गरम  करून त्यात हिंग व मिरच्या घाला.
4. त्यातच वाटलेली डाळ घालून सगळे मिसळून घ्या.
5. त्यावर बाकीचे मसाले म्हणजे गरम मसाला, धन्याची पूड, मीठ, आमचूर व बडीशेप ही घाला.
6. आता गॅस बारीक ठेवा व सतत हालवत हे सारण मोकळे व कोरडे होईपर्यंत परता व गॅस बंद करा.
7. आता सारण गार होऊ द्या.

कचोरी भरायची कृति:

1. भिजवलेल्या मैद्याचे एकसमान १० भाग करून घ्या. प्रत्येक भाग हाताने गोल करून चपटा करून घ्या.
2. त्याच प्रमाणे सारणाचे ही एकसारखे १० भाग करून घ्या.
3. मैद्याचा एक गोळा घेऊन त्याची दुप्पट आकाराची पुरी लाटून घ्या.
4.  सारणाचा एक भाग पुरीवर ठेवा व पुरी सगळीकडून वर आणून, पुरीचे तोंड वरून घट्ट बंद करून घ्या.
5. हलकेच कचोरी हाताने चपटी करून एकसारखी करण्यापुरती हलकेच अगदी थोडीशी लाटून घ्या.
6. मैद्याच्या उरलेल्या गोळ्यांचे व उरलेल्या सारणाच्या ही अशाच प्रकारे कचोऱ्या करून घ्या.
7. एका वेळेला ३-४ कचोऱ्या गरम तेलात घालून मंद आचेवर सगळ्या कचोऱ्या गुलाबी रंगाच्या होईपर्यंत तळून घ्या.
8. गरमागरम कचोऱ्या हिरव्या व गोड चटणीबरोबर किंवा दही व शेव घालून सर्व्ह करा.
9. किंवा गार झाल्यावर एका एयर टाइट डब्यात भरून ठेवा व सर्व्ह करायच्या वेळी मायक्रोवेव किंवा ओव्हन मध्ये गरम करून सर्व्ह करा.