दूधभोपळ्याची भाजी (टोमॅटो घातलेली)

By Uma Abhyankar फेब्रुवारी 21, 2018

दूधभोपळ्याची ही टोमॅटो घातलेली भाजी आंबट गोड व खूपच चविष्ट लागते. डाळ घालून केलेल्या भाजीपेक्षा ही भाजी चवीला पूर्ण निराळी आहे. तुम्हाला नक्की आवडेल.

दूधभोपळ्याची सालं काढून दूधभोपळा उभा चिरून घ्या.
आतल्या जून व मोठ्या मोठ्या बिया कापून काढून टाका व दूधभोपळ्याच्या चौकोनी फोडी करून घ्या.
कढईमध्ये तेल गरम करून त्यात जिरे, हिंग, हळद, लवंगा, व दालचिनीचा तुकडा घाला.
थोडेसे परतून टोमॅटोच्या फोडी घाला.
त्यात लाल तिखट घालून थोडेसे परतून घ्या.
टोमॅटोच्या फोडी मऊ झाल्यावर त्यात दूधभोपळ्याच्या फोडी घाला.
सर्व मिसळून मीठ, धन्याची पूड, जिऱ्याची पूड व १/४ कप पाणी घाला.
झाकण ठेऊन भोपळा मऊ होईपर्यंत शिजवा.
ही नवीन चवीची दूधभोपळ्याची भाजी पोळीबरोबर वाढा.