बटाट्याचा पराठा रेसिपी
Print

बटाट्याचा पराठा रेसिपी

By एप्रिल 17, 2018

बटाट्याचा पराठा  हा एक उत्कृष्ट व सर्वांच्या आवडीचा ब्रेकफास्ट मेनू आहे. विशेषतः मुलांना हा फार आवडतो. इथे दिलेल्या रेसिपीत मी हाच पराठा त्याची मूळ चव न बदलू देता अधिक पौष्टिक बनवायचा प्रयत्न केला आहे. तुम्हाला नक्की आवडेल.

Ingredients

Instructions

कणकेसाठी :

गव्हाचे पीठ, मीठ, २-३ टीस्पून तेल व चिरलेली हिरवी भाजी सर्व एकत्र करून पाण्याने पोळ्यांप्रमाणे मऊसर कणीक भिजवून घ्या व १०-१५ मिनिटे झाकून ठेवा.

सारणासाठी :

  1. उकडलेल्या बटाट्याची सालं काढून ते मॅशर ने किंवा हाताने मॅश करून घ्या (मॅश केल्यानंतर त्यात मोठे तुकडे राहू देऊ नका.)
  2. त्यात कांदा, हिरवी मिरची किंवा तिखट व मीठ घाला. तसेच आलं आणि लसणाची पेस्ट करून घ्या व तीही बटाट्यात मिसळा.
  3. सर्व एकत्र मिसळून सारं तयार करून घ्या.
  4. ह्या सारणाचे साधारण ३ इंच मोठे गोळे तयार करून घ्या.

पुढील कृति :

  1. भिजवून ठेवलेल्या कणकेचा साधारण २ इंच मोठा गोळा घेऊन तो बोटांनी दाबत कडेने चपटा करून वाटीप्रमाणे खोलगट करून घ्या.
  2. त्यात सारणाचा एक गोळा ठेऊन वरून कणकेचे तोंड बंद करून टाका.
  3. हाताने हलकेच दाबून गोळा चपटा करून घ्या व दोन्ही बाजूंनी थोडी कोरडी कणीक लाऊन घ्या.
  4. आता पोळपाटावर लाटून अंदाजे १/२ से. मी. जाड व गोल असा पराठा लाटून घ्या. पराठे हे जाड जाडच असतात. त्यामुळे पोळीप्रमाणे पातळ लाटू नका.
  5. गरम तव्यावर टाकून व दोन्ही बाजूंनी थोडे थोडे तेल सोडून पराठा तव्यावर खमंग भाजून घ्या.
  6. गरम गरम पराठा लोणी, दही, व एखाद्या लोणच्याबरोबर वाढा.