तिळगुळाची कुरकुरीत चिक्की रेसिपी
Print

तिळगुळाची कुरकुरीत चिक्की रेसिपी

By जानेवारी 15, 2019

गूळ व तिळाची ही कुरकुरीत चिक्की थंडीच्या दिवसांत खायला खूपच चविष्ट आणि पौष्टिक असे स्नॅक् आहे. बनवायला ही अगदी सोपी आहे व काही मिनिटातच तयार करता येते. ह्यासाठी तुम्हाला फक्त दोन मुख्य गोष्टी तयार ठेवाव्या लागतील - भाजलेले तीळ  व बारीक फोडलेला गूळ. कच्चे तीळ घेतल्यास आधी एका कढईत मध्यम आचेवर सतत हालवत ते किंचित लालसर दिसेपर्यंत भाजून घ्यावेत व मग हे भाजलेले तीळ चिक्की साठी वापरावेत.

Ingredients

Instructions

  1. एका पोळपाटाला पार्चमेंट पेपर लावून तयार ठेवा. तसेच एका छोट्या वाटीत थोडेसे पाणी घालून तयार ठेवा. (तीळ भाजलेले नसतील तर वर summary मध्ये दिल्याप्रमाणे ते खमंग भाजून घ्या.)
  2. गूळ एका कढईत काढून घ्या.
  3. गॅस प्रथम मध्यम आचेवर ठेऊन गूळ विरघळेपर्यंत सतत हालवत रहा.
  4. एकदा गूळ विरघळायला सुरवात झाली की मग गॅस जरा बारीक करा. पण सतत हालवत रहा म्हणजे गूळ एकसारखा विरघळेल.
  5. थोड्याच वेळात गुळाला फेस व्हायला सुरवात होईल. सतत हालवत आणखीन २ मिनिटे तसेच शिजवत ठेवा.
  6. आता पाकाचा एक थेंब जवळ ठेवलेल्या वाटीतल्या पाण्यात टाकून पहा. पाण्यात टाकताच तो कडक व्हायला हवा.
  7. कडक झालेला थेंब बाहेर काढून बोटांनी मोडून पहा. हा कुरकुरीत असायला हवा. जर अजून पर्यंत चिवट असेल तर पाक अजून शिजवावा.
  8. दर एकेका मिनिटाने पाक पाण्यात टाकून वर सांगितल्याप्रमाणे तपासून पहा.
  9. पाण्यात टाकल्यावर त्याची टणक व कुरकुरीत गोळी झाल्यावर गॅस बंद करून टाका.
  10. आता भाजलेले तीळ गुळाच्या तयार पाकात घालून सर्व नीट पण पटकन मिसळून घ्या व लगेचच सर्व मिश्रण पार्चमेंट पेपर लावलेल्या पोळपाटावर घाला.
  11. हाताला थोडेसे तूप लावून, सर्व मिश्रण गार व कठीण व्हायच्या आत, हाताने दाबून चपटे व चौकोनी थापा.
  12. आता त्याचे एक ते दीड इंच मोठे चौकोनी काप करून घ्या व पूर्ण पणे गार होऊ द्या.
  13. हे मिश्रण कापताना अजून थोडे चिकट वाटेल पण गार झाल्यावर छान कुरकुरीत होईल व हाताने मोडून सर्व काप वेगळे करता येतील. पूर्ण गार झाल्यावर सर्व चौकोन वेगवेगळे करून घ्या.
  14. खमंग कुरकुरीत तिळाची ही चिक्की पूर्ण गार झाल्यावर एका हवा-बंद डब्यात भरून ठेवा.