आंब्याची डाळ
  • Prep Time: 10 minutes
  • Cook Time: 10 minutes
Print

आंब्याची डाळ

By एप्रिल 19, 2017

आंब्याची डाळ हा कैरीच्या दिवसांत विशेषतः चैत्र महिन्यात हळदीकुंकवाला बनविला जाणारा खास पदार्थ आहे. हरभऱ्याची डाळ आणि कैरी पासून बनविली जाणारी ही आंब्याची डाळ व थंडगार पन्हे हा तर ह्या दिवसांतील खास मेनू असतो. मात्र पचायला जड असल्यामुळे ही थोड्या प्रमाणातच एका वेळी खावी.

Ingredients

Instructions

  1. हरभऱ्याची डाळ ५-६ तास पाण्यात भिजत ठेवावी.
  2. मग सगळे पाणी ओतून टाकावे व डाळ पाण्याने स्वच्छ धुऊन घ्यावी.
  3. त्यात हिरव्या मिरच्या घालून डाळ थोडीशी भरड वाटून घ्यावी. (ह्यासाठी फूड प्रोसेसर वापरल्यास जास्त चांगले. नसल्यास साधा मिक्सर वापरला तरी चालेल.) वाटताना आवश्यक तेवढेच पाणी घालावे.
  4. आता वाटलेल्या डाळीत कैरी, मीठ, साखर, व कोथिंबीर घालावी व सर्व मिसळून घ्यावे.
  5. फोडणीसाठी तेल तापत ठेवावे. त्यात मोहरी घालावी. मोहरी तडतडल्यावर त्यात हिंग, काढिलिंब, व लाल मिरच्या घालाव्यात.
  6. थोडे परतून गॅस बंद करावा व फोडणी गार होऊ द्यावी.
  7. गार झालेली फोडणी डाळीवर घालावी.
  8. सर्व चांगले मिसळावे व खमंग आंब्याची डाळ थंडगार पन्ह्याबरोबर द्यावी.