टोमॅटोची चटणी रेसिपी

By Uma Abhyankar एप्रिल 8, 2017

ही चविष्ट टोमॅटोची चटणी इडली वडा, डोसा, उत्तपम, किंवा सॅन्डवीच व परोठ्याबरोबर फारच सुरेख लागते. नक्की बनवून बघा. आपल्याला खूप आवडेल.

टोमॅटो कापून मोठे तुकडे करून घ्या.
एका कढईत तेल गरम करून त्यात उडदाची डाळ, हरभऱ्याची डाळ, आणि तीळ घालून सर्व गुलाबी रांगांचे होईपर्यंत तळून घ्या.
आता त्यावर लाल मिर्ची, आणि कढीलिंब घाला. तडतडल्यावर त्यात टोमॅटोचे तुकडे घाला.
टोमॅटो मऊ होईपर्यंत २ मिनिटे परता.
आता मीठ व गूळ घाला आणि मिसळून घ्या.
गॅस बंद करून थोडे गार होऊ द्या. मग मिक्सर वर बारीक वाटून घ्या.
आता ही खमंग टोमॅटोची चटणी मुगाचा डोसा, उत्तप्पा, अडई, परोठे, किंवा धिराड्याबरोबर वाढा.