मसाला पीनट्स
Print

मसाला पीनट्स

By एप्रिल 3, 2017

मसाला पीनट्स म्हणजेच तिखट आणि चटपटीत शेंगदाणे! डाळीच्या पिठात घोळून तळलेले हे शेंगदाणे चहा बरोबर खायला खूपच चविष्ट लागतात. घरी नक्की बनवून पहा व आपला अभिप्राय कळवा.

Ingredients

Instructions

  1. बेसन, तांदुळाची पिठी, मीठ, तिखट, आमचूर, चाट मसाला, हळद व खायचा सोडा, हे सर्व एका बाउल मधे मिसळून घ्या व हा तयार मसाला थोड्यावेळ बाजूला ठेवा.
    img_4837img_4840
  2. एका कढईत दाणे मध्यम आचेवर साधारण ५ मिनिटे, छोटे छोटे काळे डाग दिसेपर्यंत भाजून घ्या.
  3. भाजलेले दाणे पूर्ण गार होऊ द्या.
  4. दाणे गार झाल्यावर एका वेगळ्या बाउल मधे घेऊन त्यांवर १ टीस्पून पाणी घाला व हलवून सगळे दाणे ओलसर करून घ्या.
    img_4836 img_4838img_4839
  5. आता कृतिक्रमांक १ मधे बाजूला ठेवलेल्या मसाल्यातला अर्धा मसाला ओल्या दाण्यांवर घाला व मिसळून घ्या. ह्यामुळे मसाला दाण्यांवर चिकटेल.
    img_4841 img_4842
  6. आता दाण्यावर १/२ टीस्पून पाणी परत घाला व आता उरलेला मसालाही त्यावर घाला.
    img_4846 img_4845
  7. सगळा मसाला दाण्यांवर चिकटेपर्यंत मिसळा. (वाटल्यास आणखीन १/२ टीस्पून पाणी घालून परत मिसळून घ्या.)
    img_4847
  8. कढईत तळण्यासाठी तेल गरम करून त्यात १ दाणा घालून बघा. जर तो तरंगून वर आला तर तेल योग्य तापले आहे.
  9. आता सगळे दाणे छोट्या छोट्या बॅचेस मध्ये तेलात घालून, हलके ब्राउन रंगांचे होईपर्यंत तळून घ्या. img_4849
  10. तळून झाल्यावर एका पेपर टॉवेल वर काढा.
    img_4852
  11. पूर्ण गार झाल्यावर मसाला पीनट्स एका एअर टाइट डब्यात भरून ठेवा.