साबूदाण्याची खिचडी रेसिपी
Print

साबूदाण्याची खिचडी रेसिपी

By एप्रिल 18, 2017

उपासासाठीं सगळ्यात प्रसिद्ध व आवडीचा पदार्थ म्हणजे साबूदाण्याची खिचडी. जर साबूदाणा योग्य पद्धतीने भिजवलेला असला व दाण्याचे कूट ही तयार असले तर ही खिचडी अगदी झटकन व छान बनविता येते. तोंडी लावायला साबूदाण्याच्या खिचडी बरोबर लिंबाचे उपासाचे लोणचे व दही किंवा ताक जरूर द्यावे.

Ingredients

Instructions

  1. साबुदाणा १-२ वेळा पाण्याने धुऊन पाणी काढून टाकावे व परत साधारण १/२ सें. मी. साबुदाण्याच्या वर पाणी राहील असे पाणी घालून, साबूदाणा कमीतकमी ५-६ तास पाण्यात भिजवून ठेवावा. भिजल्यानंतर साबूदाणा फुगेल व त्यातील सगळे पाणी शोषून घेईल.
    IMG_0408IMG_0410
  2. बटाटा धुऊन घ्यावा व त्याच्या पातळ चकत्या करून घ्याव्यात.
  3. भिजलेल्या साबूदाण्यात दाण्याचे कूट, मीठ, व साखर घालून मिसळून घ्यावे. 
  4. एका कढईत तेल किंवा तूप गरम करून त्यात जिरे घालावेत. त्यावर हिरव्या मिरच्या घालाव्यात. (मिरच्यांचे तुकडे असल्यास तेलात टाकाव्यात पण ठेचलेल्या असल्यास कृतिक्रमांक ५ मध्ये घालाव्यात.)
  5. आता त्यात बटाट्याच्या चकत्या घालून २ मिनिटे परतून मग झाकून ठेवाव्यात व शिजू द्याव्यात.
  6. आता शाबूदाणा घालून सगळे चांगले मिसळून घ्यावे. (ठेचलेल्या मिरच्या वापरल्यास ह्या वेळी घालाव्यात.)
  7. थोडेसे हातानी पाणी शिंपडावे व गॅस अगदी मंद ठेवून खिचडीवर झाकण ठेवावे व खिचडी साबुडण्याचा रंग बदले पर्यंत  (किंचित गुलाबी होईपर्यंत) शिजू द्यावी. मधे मधे हलवायला विसरू नये, नाहीतर खिचडी कढईच्या तळाला लागेल. 
  8. गॅस वर शिजवल्यास खिचडी खाली लागायची थोडी भीती असते. ती टाळण्यासाठी तुम्ही एका मायक्रोवेव्ह सेफ बाउल मध्ये झाकण ठेवून मायक्रोवेव्ह मध्ये ही खिजडी शिजवू शकता. 
  9. वरून आवडत असल्यास ओले खोबरे व कोथिंबीर घालून गरम साबूदाण्याची खिचडी वाढावी.
  10. बरोबर उपासाचे लोणचे व दही किंवा ताक ही वाढावे.