पालकाची पातळभाजी रेसिपी
Print

पालकाची पातळभाजी रेसिपी

By सप्टेंबर 8, 2017

पालकाची ही पातळभाजी चिंच व गूळ घालून बनविलेली आंबटगोड व अतिशय चविष्ट भाजी आहे. ह्याच प्रमाणे अळूची भाजी ही बनविता येते. पालकाची पातळभाजी ताक घालून सुद्धा बनविली जाते पण त्याची चव निराळी असते. इथे आपण चिंचगुळाची पातळभाजी कशी बनवायची ते पाहूया.

Ingredients

Instructions

  1. पालकाची पाने स्वच्छ धुऊन बारीक चिरून घ्या.
  2. हरभऱ्याची डाळ व शेंगदाणे एका कुकरच्या भांड्यात काढून घ्या.
  3. दाणे व डाळ भिजेपर्यंत त्यात पाणी घाला.
  4. त्यावर चिरलेला पालक घाला.
  5. एक शिट्टी येईपर्यंत कुकरमध्ये शिजवून घ्या. एका शिट्टीनंतर गॅस बारीक करून २-३ मिनिटे ठेवून बंद करा.
  6. कुकर गार झाल्यावर शिजलेला पालक बाहेर काढा.
  7. त्यातील सर्व पाणी सावकाश बाजूला काढून ठेवा.
  8. डाळीचे पीठ घालून पळीने किंवा चमच्याच्या मागील बाजूने चांगले घोटून घ्या.
  9. कृतिक्रमांक ७ मध्ये बाजूला ठेवलेले पाणी त्यात परत घाला व हवे असल्यास आणखीन थोडे पाणी घालून पातळ करून घ्या. (खूप पातळ करू नये. ही भाजी दाटसरच असते.)
  10. त्यात चवीप्रमाणे मीठ, लाल तिखट, चिंचेचा कोळ, गूळ, व काळा मसाला घाला.
  11. एका पातेल्यात तेल गरम करून घ्या व त्यात मोहरी घाला.
  12. मोहरी तडतडल्यावर त्यात जिरे, हिंग, हळद, मेथी दाणे, व कढिलिंब घाला.
  13. गॅस बारीक करून त्यात कृतिक्रमांक १० मध्ये तयार करून ठेवलेले पालकाचे मिश्रण ओता.
  14. मधे मधे हालवत उकळी येऊ द्या.
  15. गरम पातळभाजी पोळी, भाकरी किंवा भाताबरोबर वाढा.