फुलका रेसिपी
Print

फुलका रेसिपी

By सप्टेंबर 28, 2017

वेस्टर्न जेवणातील ब्रेडची जागा घेणाऱ्या अनेक इंडियन पदार्थांमधला एक म्हणजे फुलका. उत्तर भारतात जास्त बनविला जाणारा हा पोळीचा प्रकार ताजा व गरम गरम खायला खूपच छान लागतो. कोणत्याही कोरड्या किंवा ओल्या भाज्यांबरोबर किंवा उसळी व डाळीबरोबर फुलका हा झटपट बनविता येणारा पदार्थ आहे.

Ingredients

Instructions

  1. एका तसराळ्यात गव्हाचे पीठ, मीठ, व १/२ टीस्पून तेल किंवा तूप मिसळून घ्या.
  2. त्यात हळू हळू लागेल तसे पाणी घालून त्याची मऊसर कणीक भिजवून घ्या.
  3. वरून थोडे तेल किंवा तूप लाऊन १०-१५ मिनिटे झाकून ठेऊन द्या.
  4. फुलका लाटायला घ्यायच्या आधी तवा तापायला ठेवा.
  5. कणकेचा एक ते दीड इंच मोठा भाग घेऊन तो हाताने गोल करून चपटा करून घ्या.
  6. गोळा दोन्ही बाजूने गावहाच्या पिठात बुडवून घ्या.
  7. आता हलक्या हाताने लाटत लाटत अंदाजे ५ इंच मोठा फुलका लाटून घ्या. लाटताना मधे किंचित जाड व कडा पातळ राहतील असे लाटा. जरूर वाटल्यास मधे मधे आणखीन पीठ लावायला ही हरकत नाही.
  8. लाटलेला फुलका गरम तव्यावर टाकून मोठ्या आचेवर भाजायला घ्या.
  9. फुलक्याच्या वरील बाजूस छोटे छोटे फुगवटे दिसू लागताच फुलका दुसऱ्या बाजूस उलटून टाका.
  10. मध्ये मध्ये फुलका उचलून पहा. जेंव्हा तव्याकडील बाजूवर एकसारखे काळे डाग दिसू लागतील तेंव्हा एका हाताने तवा बाजूला करून दुसऱ्या हाताने फुलका उचलून डायरेक्ट विस्तवावर टाका.
  11. फुलका पूर्ण फुगू द्या व फुगला की अलगद चिमट्याने उचलून परत पोळपाटावर किंवा एखाद्या डब्यात काढून घ्या.
  12. फुलक्यावर दोन्ही बाजूला थोडे थोडे तेल किंवा तूप लाऊन गरम गरमच वाढा किंवा एका मऊसर कापडात गुंडाळून झाकणाच्या डब्यात ठेवा.
  13. अश्याच पद्धतीने उरलेल्या कणकेचेही फुलके लाटून व भाजून घ्या.