रगडा पॅटिस
Print

रगडा पॅटिस

By सप्टेंबर 27, 2017

रगडा पॅटिस हे 'चाट' पद्धतीचे एक चटपटीत स्नॅक आहे. रगडा म्हणजेच पांढऱ्या वाटाण्याची उसळ व पॅटीस म्हणजे बटाट्याचे कटलेट. हे पोटभरीचे तोंडाला पाणी आणणारे स्नॅक घरी जरूर बनवून बघा.

Ingredients

Instructions

रगड्यासाठी :

  1. पांढरे वाटणे रात्रभर किंवा ६-७ तास पाण्यात भिजवून ठेवा.
  2. भिजवलेले पाणी काढून १ & १/२ कप नवीन पाणी घाला. त्यातच मीठ घालून प्रेशर कुकर मध्ये एक शिट्टी येईपर्यंत शिजवा. एक शिट्टी आल्यानंतर गॅस १५ मिनिटांसाठी बारीक करून ठेवा व मग बंद करा.
  3. कुकर गार झाल्यावर शिजलेले वाटणे बाहेर काढा.
  4. कांदा, टोमॅटो, आलं व लसूण मिक्सर मध्ये पूर्ण वाटून प्यूरी करून घ्या.
  5. ४ टीस्पून तेल गरम करून त्यात वरील प्यूरी घाला.
  6. गरम मसाला व लाल तिखट ही त्यातच घाला.
  7. प्युरी ब्राऊन दिसेपर्यंत व कडेने तेल सुटायला लागेपर्यंत तेलात परतून घ्या.
  8. त्यात शिजवलेले वाटणे घालून, मिसळून घ्या व उकळी येऊ द्या. (जरूर वाटल्यास थोडे आणखीन पाणी घाला पण रगडा खूप पातळ करू नका.)

पॅटिस साठी :

  1. उकडलेले बटाटे कुस्करून घ्या.
  2. त्यात मैदा, मीठ, व लाल तिखट घालून मिसळून घ्या.
  3. वरील सारणाचे साधारण दोन इंच मोठे भाग घेऊन त्याचे गोल गोल पॅटीस तयार करून घ्या.
  4. किंचित खोलगट तवा घेऊन त्यावर थोडे तेल घाला व त्यात मावतील इतके पॅटिस ठेवा.
  5. पॅटिसची खालची बाजू खमंग ब्राउन झाल्यावर पॅटिस उलटून टाका.
  6. आता दुसरी बाजू ही ब्राउन होऊ द्या.
  7. दोन्ही बाजूने ब्राउन झाल्यावर सगळे पॅटिस पेपर टॉवेल वर काढून घ्या.
  8. इतर सर्व पॅटिस ही तव्यावर असेच शॅलो फ्राय करून घ्या.

सर्व्ह करताना :

  1. एका खोलगट ताठलीत २-३ पॅटिस ठेऊन त्यावर पॅटिस बुडेपर्यंत गरम गरम रगडा घाला.
  2. वरून आवडीप्रमाणे बारीक चिरलेला कांदा, बारीक चिरलेला टोमॅटो, चिंचेची गोड चटणी, हिरवी चटणी (कोथिंबिरीची चटणी किंवा पुदिन्याची चटणी), व शेव घाला.
  3. गरम गरम रगडा पॅटिस शेव मऊ पडायच्या आत लगेच सर्व्ह करा.