ओल्या नारळाची करंजी रेसिपी

कवचासाठी :

1. रवा पूर्ण ओला होईल इतकेच दूध घालून (अंदाजे ६ टेबलस्पून) रवा अर्धा तास भिजत ठेवा.
2. त्यात मैदा घालून, चिमूटभर मीठ, व २ & १/२ टेबलस्पून गरम तेल घाला. आणखीन लागेल त्याप्रमाणे दूध घालून (अंदाजे ४ टेबलस्पून) पुरीच्या कणकेप्रमाणे घट्ट भिजवून घ्या.
3. झाकून निदान १५ मिनिटे तरी ठेवा.

सारणासाठी :

1. ओले खोबरे व साखर एकत्र करून बारीक ते मध्यम आचेवर शिजायला ठेऊन मधे मधे हालवत रहा.
2. आधी साखर विरघळेल व त्यातच खोबरे शिजायला सुरवात होईल.
3. साधारण पाच मिनिटांनी खोबऱ्याचा रंग बदलेल व पातेल्याच्या तळाशी दिसणारा पाक दिसेनासा होईल. तसे झाल्यावर त्यात तांदुळाची पिठी, वेलदोड्याची पूड व बेदाणे घाला.
4. सर्व मिसळून गॅस बंद करा.
5. हे सारण पूर्ण गार होऊ द्या.

पुढील कृति :

1. कवचासाठी तयार केलेल्या कणकेचे अर्धा ते एक इंच मोठे एकसारखे भाग करून घ्या.
2. त्यांचे गोळे करून हाताने दाबून चपटे करून ठेवा.
3. त्यांतील एक भाग घेऊन त्याची अगदी पातळ पुरी लाटून घ्या.
4. त्याच्या मधोमध साधारण दीड टेबलस्पून सारण ठेऊन पुरी दुमडा व कडा बोटाने दाबून घट्ट बंद करून टाका.
5. आता करंजीची कड कातण्याने कापून घ्या किंवा दुमड घालून बंद करा.
6. असेच कणकेचे सर्व भाग वापरून करंज्या तयार करून घ्या.
7. कढईत तेल गरम करून सर्व करंज्या छोट्या छोट्या बॅचेस मधे गुलाबी रंगाच्या होईपर्यंत तळून काढा.
8. पेपर टॉवेल वर काढून पूर्ण गार होऊ द्या व मग एका एअर टाइट डब्यात भरून ठेवा.