साबुदाणा थालीपीठ
Print

साबुदाणा थालीपीठ

By सप्टेंबर 19, 2017

थालीपीठ हा महाराष्ट्रातला अतिशय रुचकर व झटपट होणारा खाद्यपदार्थ. साधे थालीपीठ जरी वेगवेगळ्या धान्यांचे बनविले जात असले तरी हे साबुदाण्याचे थालीपीठ वेगळे असून ते उपासाच्या दिवशी ही चालेल असे आहे. साबुदाणा भिजवायला लागणारे ३ तास वगळले तर हे थालीपीठ अगदी झटपट तयार होते. मात्र त्यासाठी लागणारे दाण्याचे कूट ही तयार असायला हवे. हे गरम थालीपीठ शक्यतो दही, लोणी, व उपासाच्या गोड लोणच्याबरोबर वाढावे.

Ingredients

Instructions

  1. साबुदाणा पाण्याने २ वेळा धुऊन घ्यावा.
  2. साबुदाणा बुडेल इतकेच पाणी त्यात घालून भिजत ठेवावा.
  3. कमीतकमी ३ तास तरी साबुदाणा भिजू द्यावा.
  4. भिजल्यानंतर साबुडण्यातील सर्व पाणी संपेल व साबुदाणा फुलून मोठा होईल.
  5. त्यात दाण्याचे कूट, जिरे, मीठ, साखर, व हिरव्या मिरच्या घाला.
  6. बटाट्याची सालं काढून किसून घ्या व साबुदाण्यात घाला.
  7. हाताने चांगले मळून घ्या. वाटल्यास थोडे पाणी घाला व हाताने मळून गोळा तयार करून घ्या.
  8. एका पोळपाटावर पार्चमेन्ट पेपर लावून घ्या व तवा गरम करायला ठेवा.
  9. साबुदाण्याच्या गोळ्याचा एक संत्र्याएवढा भाग घेऊन पोळपाटाच्या मधोमध ठेवा.
  10. आता सगळीकडून एकसारखे थापत थापत त्याचे गोलाकार व साधारण १/२ से. मी . जाड असे थालीपीठ थापून घ्या. थापताना हाताला चिकटत असल्यास हात पाण्यात बुडवून मग थापा.
  11. थालीपिठात एक मध्ये व कडेने ३-४ भोके करून घ्या.
  12. आता पार्चमेन्ट पेपर सावकाश उचलून थालीपीठ हातावर काढून घ्या व गरम तव्यावर टाका.
  13. प्रत्येक भोकात व कडेने १/४ टीस्पून तेल सोडा.
  14. झाकण ठेवून २-३ मिनिटे थालीपीठ मध्यम आचेवर शिजू द्या. खालच्या बाजूला थोडे डाग दिसायला लागल्यावर दुसऱ्या बाजूला उलटून टाका.
  15. दुसरीकडे ही असेच डाग दिसू लागल्यावर तव्यावरून काढून घ्या.
  16. असेच उरलेल्या गोळ्याची (कृतिक्रमांक ७) ही थालिपिठे बनवून घ्या.
  17. गरम गरम साबुदाण्याचे थालीपीठ लोणी, दही व उपासाच्या लोणच्याबरोबर वाढा.