पोहे
Print

पोहे

By नोव्हेंबर 27, 2017

महाराष्ट्रातील प्रसिद्ध, खमंग, व सोपा न्याहरीचा पदार्थ म्हणजे पोहे. पोह्यांमध्ये तुम्ही नुसता कांदा किंवा नुसता बटाटा घालून कांदे पोहे किंवा बटाटे पोहे बनवू शकता. किंवा दोन्ही कांदा व बटाटा व शिवाय मटारही घालून हा चविष्ट पदार्थ तयार करू शकता. वरून सजावटीसाठी बारीक चिरलेली कोथिंबीर व शिवाय थोडी बारीक शेवही घालून पहा. बाजारात तीन प्रकारचे पोहे मिळतात. पातळ, मध्यम जाड व जाड. हे पोहे बनविण्यासाठी मध्यम जाड पोहे वापरावेत.

Ingredients

Instructions

  1. एका रोळीमध्ये पोहे धुऊन घ्यावेत व जास्तीचे पाणी निथळायला १० मिनिटे ठेऊन द्यावेत.
  2. कढईमध्ये दोन टेबलस्पून तेल गरम करून त्यात मोहरी, हिंग, हळद, कढिलिंब, मिरच्या व बटाटे घालून सर्व मिसळावे.
  3. बटाटे दोन मिनिटे परतून थोडे गुलाबी झाल्यावर कढईवर झाकण ठेऊन बटाटे मंद आचेवर २ मिनिटे शिजवून मऊ करून घ्यावेत.
  4. आता बारीक चिरलेला कांदा घालून २ मिनिटे परतून घ्यावा.
  5. भिजवून ठेवलेले पोहे त्यात घालून सर्व नीट मिसळावे. त्यातच मटार, मीठ, साखर, आणि लिंबाचा रस घालावा.
  6. आता हातानेच अंदाजे २ मुठी पाणी घेऊन पोह्यांवर एकसारखे शिंपडावे.
  7. सर्व मिसळून, झाकण ठेऊन, अगदी बारीक गॅस वर पोहे पाच मिनिटे शिजू द्यावेत. पण मध्ये एक दोनदा हलवायला विसरू नये.
  8. गॅस बंद करून, वरून बारीक चिरलेली कोथिंबीर पसरून गरम गरम पोहे वाढावेत. (वरून बारीक शेव पसरूनही पोहे छान लागतात.)