गुळाची पोळी
Print

गुळाची पोळी

By डिसेंबर 14, 2017

गुळाची पोळी हे तर संक्रांतीचे खास पक्वान्न. गुळानी बनविलेली ही पातळ व कुरकुरीत पोळी थंडीच्या दिवसांत खायला फारच रुचकर लागते. गुळाची पोळी शक्यतो घट्ट तुपाबरोबर खातात. ही पोळी ७-८ दिवस छान टिकेल. व फ्रीजमधे ठेवल्यास आणखीन काही दिवस.

Ingredients

Instructions

पोळीच्या कव्हर साठी :

  1. गव्हाचे पीठ, मैदा व बेसन एका तसराळ्यात मिसळून घ्या.
  2. २ टेबलस्पून तेल गरम करून वरील मिश्रणात घाला.
  3. त्यातच तूप ही घाला व पाण्याने घट्टसर (पुऱ्यांच्या कणकेप्रमाणे) भिजवून घ्या.

गुळाच्या फिलिंगसाठी :

  1. २ कप गुळामध्ये १ टेबलस्पून भाजलेली खसखस घालून त्यात वेलदोड्याची पूड ही घाला.
  2. मिक्सर मध्ये डाळं बारीक वाटून घ्या व गुळात मिसळा. (डाळ्याच्या ऐवजी १/२ कप बेसन २ टेबलस्पून तेलावर भाजून घेऊन तेही घालू शकता. त्यासाठी खाली दिलेली चित्रे पाहावीत.)
    IMG_2828 IMG_2829 IMG_2830 IMG_2832
  3. गूळ हाताने चांगला मळून पेढ्याप्रमाणे मऊ करून घ्या.
  4. मळताना मऊ करण्यासाठी आणखीन थोडे तेल ही वरून लावायला हरकत नाही.

पुढील कृति :

  1. कणकेचे एक ते दीड इंच मोठे चपटे गोळे करून घ्या.
  2. गुळाचेही त्याच आकाराचे चपटे गोळे करून घ्या.
  3. गुळाचा एक गोळा कणकेच्या २ गोळ्यांच्या मध्ये ठेवा व कडेने बंद करून घ्या. पूर्ण कड बंद न करता मधे मधे थोड्या उघड्या जागा  ठेवा.)
  4. तयार गोळ्याला दोन्ही बाजूंनी तांदुळाची पिठी लाऊन पातळ पोळी लाटून घ्या.
  5. लाटलेली पोळी गरम तव्यावर टाका व दोन्ही बाजूंवर एकसारखे ब्राउन डाग दिसेपर्यंत भाजून घ्या.
  6. अश्या पद्धतीने सर्व कणकेच्या व गुळाच्या पोळ्या लाटून व भाजून घ्या.
  7. भाजून झाल्यावर सर्व पोळ्या गार करायला पसरून ठेवा.
  8. चविष्ट गुळाची पोळी घट्ट तुपाबरोबर वाढा.