भरली ढब्बू मिरची रेसिपी
Print

भरली ढब्बू मिरची रेसिपी

By डिसेंबर 19, 2017

ढब्बू मिरची ची ही भाजी खायला तर खमंग असतेच पण दिसायला ही वेगळी व चटपटीत दिसते. ढब्बू मिरची ही भाजी पौष्टिक आहेच शिवाय आत भरलेला बटाटा ह्या भाजीला आणखीन चवदार बनवितो. खास करून मुलांना ही भाजी फार आवडेल.

Ingredients

Instructions

  1. ढब्बू मिरच्या स्वच्छ धुऊन घ्या व देठाच्या कडेकडेने अर्धवट कापून घ्या ज्यामुळे देठ झाकणाप्रमाणे उघडबंद करता येईल. (जर मिरच्या मोठ्या असतील तर आडव्या कापून अर्ध्या करून घ्या). सुरीने सावकाश देठ मोडू न देता आतल्या बिया काढून टाका.
    IMG_0437
  2. बटाटे उकडून सालं काढून घ्या व हाताने फोडून बारीक तुकडे करून घ्या. पूर्ण कुस्करु नका.
    IMG_0295
  3. एका कढई मधे ३ टीस्पून तेल गरम करून त्यात हिंग, हळद, आल्याची पेस्ट, लसणाची पेस्ट, हिरव्या मिरच्या व बारीक चिरलेला कांदा घाला.
  4. सर्व एकदा मिसळून त्यात गरम मसाला घाला.
  5. कांदा किंचित गुलाबी दिसेपर्यंत परता.
  6. आता त्यात बटाटा घाला व परत एकदा मिसळून चवीप्रमाणे मीठ घाला.
  7. एखादा मिनिट परतून गॅस बंद करून टाका.
  8. हे सारण गार होण्यासाठी ठेऊन द्या.
    IMG_3565
  9. सारण गार झाल्यावर ढब्बू मिरच्या सारणाने भरून घ्या. वरच्या बाजूला देठाचे झाकण ठेवण्यासाठी थोडी जागा ठेवा. (जर मोठ्या ढब्बू मिरच्या अर्ध्या कापून वापरल्या असतील तर त्या वरपर्यंत भरून घ्या.
  10. देठाचे झाकण ठेऊन बंद करा.
    IMG_0438
  11. एका सपाट तळ असलेल्या पॅन मध्ये तळ भरेपर्यंत तेल घाला व तेल गरम करून घ्या.
  12.  तेलात भरलेल्या ढब्बू मिरच्या ठेऊन बारीक-मध्यम आचेवर त्या परतायला ठेवा. दर २-३ मिनिटांनी फिरवत फिरवत सगळीकडे काळपट डाग पडेपर्यंत त्या खमंग शिजवून घ्या.
  13. सगळीकडून एकसारखे डाग पडल्यावर गॅस बंद करा व एका ताठलीत काढून घ्या.
  14. वरून आवडत असेल तर थोडा चाट मसाला शिंपडा.
  15. गरम गरम भरल्या ढब्बू मिरच्या पोळीबरोबर वाढा.