टोकरी चाट
Print

टोकरी चाट

By जानेवारी 16, 2018

टोकरी चाट हा एक खूपच आकर्षक व चटपटीत असा 'चाट' चा प्रकार आहे. हिंदी मधे  'टोकरी' म्हणजे टोपल्या. ह्या रेसिपी मध्ये बटाट्याच्या सुंदर टोपल्या किंवा परड्या बनवून त्यात आवडत असेल ते फिलिंग ठेवता येते. इथे मी दोन प्रकारचे फिलिंग दिले आहेत पण तुम्ही हे आपल्या आवडीप्रमाणे अनेक पद्धतीने बनवू शकता. ह्या टोपल्या तुम्हाला सॅलड किंवा फ्रूट डेकोरेशन साठी ही वापरता येतील.

Ingredients

Instructions

'टोकरी' साठी :

  1. बटाटे जाड जाड किसून १५-२० मिनिटे पाण्यात बुडवून ठेवा.
    IMG_3446 IMG_3447
  2. मग एका रोळीत घालून पाणी काढून टाका.
    IMG_3449
  3. एका पेपर टॉवेल वर बटाटे पसरून ठेवा व वरून अजून एका पेपर टॉवेल ने दाबून जेवढे निघेल तेवढे पाणी काढून टाका.
    IMG_3450 IMG_3451
  4. बटाट्यावर थोडे मीठ पसरून घ्या.
  5. एका कढईमध्ये तेल गरम करायला ठेवा.
  6. मग एक गाळणे किंवा खाली दाखविल्याप्रमाणे एखादा खोलगट झारा घ्या.
    IMG_3468
  7.  त्यामधे बाजूने वर पर्यंत किसलेला बटाटा पसरून घ्या.
    IMG_3452
  8. त्यावर आणखीन एक पळी किंवा चमचा अलगत धरून गरम तेलात बुडवा.
    IMG_3453
    IMG_3454
  9. किसलेला बटाट्याच्या पट्ट्या थोड्याच वेळात एकमेकाला चिकटतील. तेंव्हा वरची पळी हळूच काढून घ्या.
    IMG_3455
  10. बटाटा सोनेरी रंगाचा झाल्यावर गाळणे / खोलगट झारा बाहेर काढा.
    IMG_3456 IMG_3457
  11. व एका पेपर टॉवेलवर पालथं घालून टोपली बाहेर पाडून घ्या.
    IMG_3458IMG_3460IMG_3461
  12. अश्याच पद्धतीने संपूर्ण किसलेल्या बटाट्याच्या टोपल्या करून घ्या.
    IMG_3463

फिलिंग प्रकार १ :
IMG_3471

  1. मोड आलेले मूग, उकडलेल्या बटाट्याच्या फोडी, लाल किंवा पिवळी बारीक चिरलेली ढब्बू मिर्ची, काकडी, कांदा, व कोथिंबीर एका भांड्यात मिसळून घ्या.
  2. ह्या मिश्रणावर सैंधव मीठ, चाट मसाला, लाल तिखट, व लिंबाचा रस पिळून घ्या.
  3. सर्व मिसळून तयार ठेवा.
  4. आवडत असेल तर दही ही थोडे घुसळून तयार ठेवा. (दही वापरत असल्यास लिंबू घालू नका.)

 

फिलिंग प्रकार २ :
IMG_3472

  1. उकडलेले वाटणे, उकडलेल्या बटाट्याच्या फोडी, बारीक चिरलेला कांदा, व कोथिंबीर एकत्र मिसळून घ्या.
  2. त्यात सैंधव मीठ, लाल तिखट, चाट मसाला व लिंबू घाला.
  3. सर्व मिसळून तयार ठेवा.
  4. आवडत असल्यास थोडे दही ही घुसळून तयार ठेवा. (दही वापरत असल्यास लिंबू घालू नका.)

सर्व्ह करताना :

  1. २-४ टोकऱ्या एका ताठलीत ठेवा.
    IMG_3476
  2. प्रत्येक टोकरीत आवडीचे फिलिंग भरून घ्या.
  3. वरून गोड चटणी, हिरवी चटणी, दही (ऐच्छिक), व बारीक शेव पसरून लगेच सर्व्ह करा.
    IMG_3483