चवळीची उसळ
Print

चवळीची उसळ

By फेब्रुवारी 15, 2018

चवळी हा एक शाकाहारी जेवणातील प्रोटीन्स व फायबरचा चांगला स्रोत आहे. चवळीची उसळ बनवायला अगदी सोपी आहे. इथे मी महाराष्ट्रीयन गोडा / काळा मसाला वापरून ही रेसिपी दिली आहे.

Ingredients

Instructions

  1. चवळी पाण्याने स्वच्छ धुऊन घ्या व त्यात २ कप पाणी घाला.
  2. प्रेशर कुकर मध्ये तीन शिट्ट्या येईपर्यंत चवळी शिजवून घ्या. तीन शिट्ट्या झाल्यावर पाच मिनिटे गॅस बारीक करून ठेवा व मग बंद करा.
  3. कुकर गार झाल्यावर चवळी बाहेर काढून घ्या. शिजलेल्या चवळीतील अंदाजे ३ टेबलस्पून चवळी एका वेगळ्या बाउल मधे काढून मॅश करून घ्या व परत बाकीच्या चवळीमधे मिसळा. ह्यामुळे नंतर उसळीचा रस दाट व्हायला मदत होईल.
  4. पातेल्यात तेल गरम करून त्यात मोहरी घाला. ती तडतडल्यावर त्यात हिंग, हळद, बारीक चिरलेला कांदा, व लसूण घाला.
  5. कांदा लसूण किंचित ब्राउन दिसेपर्यंत परतून घ्या.
  6. त्यात अर्ध्या टोमॅटोच्या फोडी घाला व आणखीन एखादा मिनिट टोमॅटो मऊ होईपर्यंत परता.
  7. आता त्यात शिजलेली चवळी घाला व रस किती हवा आहे त्या हिशोबाने पाणी घाला.
  8. चवीप्रमाणे मीठ, काळा मसाला, गूळ, जिऱ्याची पूड व मिरच्या किंवा लाल तिखट घालून सर्व मिसळून घ्या.
  9. आता उसळीला उकळी येऊ द्या व शेवटी उरलेला टोमॅटोच्या फोडी ही घाला.
  10. एखादा मिनिट उकळल्यावर गॅस बंद करून टाका.
  11. उसळ वाढायच्या वेळी वरून थोडा लिंबाचा रस व बारीक चिरलेली कोथिंबीर पसरून मग गरम उसळ पोळी किंवा भाताबरोबर वाढा.