समोसा रेसिपी
Print

समोसा रेसिपी

By मार्च 15, 2018

उत्तर भारतातील चहाबरोबर खायचा सगळ्यात आवडीचा पदार्थ म्हणजे समोसा. गरम गरम समोसे गोड चटणी व हिरवी चटणी ह्यांच्या बरोबर किंवा टोमॅटो केचप बरोबर खूपच चटपटीत, कुरकुरीत व खमंग लागतात. हे घरी बनवायला अगदी सोपे आहेत व तुम्हाला जर आधीपासून तयार करून ठेवायचे असले तर खाली कृतीमध्ये दिल्याप्रमाणे दोन स्टेप्स मध्ये तळून सर्व्ह करू शकता. समोस्यावर थोडे छोले, गोड चटणी, हिरवी चटणी, व थोडी शेव घालून 'समोसा-चाट' ही बऱ्याचदा सर्व्ह केला जातो.

Ingredients

Instructions

कव्हर साठी:

  1. एका तसराळ्यात मैदा घेऊन त्यावर २ टेबलस्पून तेल गरम करून घाला.
  2. त्यात मीठ व ओवा घालून पाण्याने पुऱ्यांप्रमाणे घट्ट भिजवून घ्या.
  3. झाकून १५ मिनिटे बाजूला ठेऊन द्या.

सारणासाठी :

  1. एका कढईत ३ टेबलस्पून तेल गरम करून घ्या.
  2. त्यात हिंग, जिरे, आल्याची पेस्ट, हिरव्या मिरच्या, व धने घाला.
  3. धने ब्राऊन दिसेपर्यंत परतून घ्या.
  4. आता गरम मसाला घालून ५-७ सेकंद परतून घ्या.
  5. मटार वापरात असल्यास तेही घाला व थोडे परतून घ्या. मटार वापरात नसल्यास हाताने फोडलेले बटाटे घाला.

  6. चवीप्रमाणे मीठ, लाल तिखट, व आमचूर घालून सर्व मिसळून घ्या. मग त्यात कोथिंबीर ही मिसळा.
  7. तयार सारण गार होण्यासाठी ठेवा.

पुढील कृति :

  1. कव्हर साठी भिजविलेल्या मैद्याचे एकसारखे ८ भाग करून घ्या.
  2. तसेच सारणाचे एकसारखे १६ भाग करून घ्या.
  3. कव्हरचा एक भाग घेऊन त्याची गोल पुरी लाटून घ्या.
  4. ही पुरी मधून सुरीने कापून त्याचे दोन अर्धगोलाकार भाग करून घ्या.
  5. त्यातील एक अर्धा गोल घेऊन, व्हिडिओत व खालील चित्रात दाखविल्याप्रमाणे, त्याचा दुमडून कोन तयार करून घ्या.
  6. कोनची उघडी बाजू वर करून त्यात सारणाचा एक भाग दाबून भरा.

  7. आता वरून तोंड बंद करून टाका व बंद केलेली कड थोडी आणखीन ओढून व लांबवून घ्या म्हणजे समोसा उभा राहील व त्याला आकर्षक आकार येईल.
  8. आता दुसऱ्या अर्ध्या गोलाचा ही तसाच कोन करून, त्यात सारण भरून समोसा तयार करून घ्या. तसेच कव्हरच्या सर्व भागांचे व सारणाचे समोसे बनवून घ्या.
  9. सर्व समोसे गरम तेलात बारीक ते मध्यम आचेवर सोनेरी रंगाचे होईपर्यंत तळून घ्या.
  10. जास्तीचे तेल निथळून समोसे पेपर टॉवेलवर काढून घ्या.
  11. गरम गरम सामोसे गोड व हिरव्या चटणीबरोबर किंवा टोमॅटो केचप बरोबर लगेच सर्व्ह करा.