छोले रेसिपी

1. छोले ५-६ तासांसाठी पाण्यात भिजवून ठेवा. (जर जास्त वेळ नसेल तर कडकडीत गरम पाण्यात तासभर जरी भिजवून व झाकून ठेवलेत तरी चालेल किंवा कॅन मधले छोले वापरले तरी चालेल- ते भिजलेलेच असतात.)
2. भिजवलेल्या छोल्यांमधे कसूरी मेथी घालून छोले प्रेशर कुकर मधे तीन शिट्ट्या होईपर्यंत शिजवा व मग गॅस बारीक करून अर्धा तास ठेऊन मग गॅस बंद करा.
3. आता एका चमच्याच्या मागील बाजूने थोडे छोले मॅश करून घ्या. (ह्यामुळे छोल्यांचा रस दाट व्हायला मदत होईल.

ग्रेव्ही साठी : कांदा, टोमॅटो, आलं, व लसूण एकत्र करून मिक्सर मधे बारीक वाटून ग्रेव्ही तयार करून घ्या.

पुढील कृति:

1. एका पातेल्यात तेल गरम करून त्यात वर तयार केलेली ग्रेव्ही घाला.
2. त्यात छोले मसाला किंवा गरम मसाला घालून ग्रेव्ही ब्राउन दिसेपर्यंत व कडेने तेल सुटेपर्यंत चांगली परतून घ्या.
3. त्यात शिजविलेले छोले घाला व आवश्यकतेनुसार पाणी घालून सर्व एकदा मिसळून घ्या.
4. चवीप्रमाणे मीठ घाला व उकळी आल्यावर गॅस बंद करा.
5. गरम गरम छोले पोळी किंवा भाताबरोबर वाढा. वाढताना त्याबरोबर कच्चा कांदा व लिंबाची एक चकती ही द्या.