दाण्याची कुरकुरीत चिक्की रेसिपी

गूळ व दाण्याची ही कुरकुरीत चिक्की थंडीच्या दिवसांत खायला खूपच चविष्ट आणि पौष्टिक असे स्नॅक् आहे. बनवायला ही अगदी सोपी आहे व काही मिनिटातच तयार करता येते. ह्यासाठी तुम्हाला फक्त दोन मुख्य गोष्टी तयार ठेवाव्या लागतील - भाजून सालं काढलेले दाणे व बारीक फोडलेला गूळ. दाणे भाजण्याची कृति पुढे दिल्याप्रमाणे आहे - कच्चे दाणे एका कढईत घालून मंद आचेवर, सतत हालवत भाजावेत. दाण्यांवर काळपट डाग आले कि गॅस बंद करावा व दाणे पूर्ण गार होऊ द्यावेत. गार झाल्यावर हाताने चुरडून त्यांची सालं काढून घ्यावीत व पाखडून किंवा फुंकर मारून सुटी झालेली सालं काढून टाकावीत. आता हे भाजले दाणे खमंग कुरकुरीत चिक्की साठी वापरावेत.