कोकम सरबत रेसिपी

कडक उन्हाळ्यात गार गार कोकम सरबत लगेच उत्साह देणारे एक सुंदर पेय आहे. ह्याचा concentrate जूस घरी बनवायला अगदी सोपा आहे व तो तयार करून तुम्ही फ्रीज मध्ये ठेवलात तर सबंध उन्हाळा संपेपर्यंत तुम्ही ह्याचे सरबत हवे तेंव्हा लगेच तयार करून सर्व्ह करू शकता. ह्या रेसिपीसाठी मी वाळवलेले व बिया काढलेले कोकम म्हणजेच आमसूल वापरले आहे. तसेच ह्या रेसिपीसाठी एक गोष्ट मात्र नक्की लक्षात ठेवा - आमसुलं चांगली आंबट असायला हवी! मगच त्यात दुप्पट साखर मावेल व ही साखर प्रिझर्व्हेटिव्हचे काम सुद्धा करेल. भरपूर साखरेमुळे खरंतर हे room-temperature वर सुद्धा चांगले राहू शकते पण शंका नको म्हणून मी ते फ्रीजमध्येच ठेवते. आणि मग हवे तेंव्हा त्याचे थंडगार सरबत तयार करून सर्व्ह करते.