गाजराचा पराठा रेसिपी

1. फिलिंग साठी : गाजर स्वच्छ धुऊन सालं व देठं काढून किसून घ्या.
   
2. एका कढईत ४ टीस्पून तेल गरम करून त्यात मोहरी घाला. मोहरी तडतडल्यावर त्यात हिंग, व हळद घाला.त्यावर किसलेली गाजरं घाला.
   
3. सगळं मिसळून त्यात मीठ व तिखट घाला.
4. परत सर्व हालवून झाकण ठेवा व गाजरं मऊ होईपर्यंत, मधे मधे हालवत ८-१० मिनिटे शिजवून घ्या.
   
5. आता डाळीचं पीठ घालून सर्व मिसळून घ्या.
   
6. गॅस अगदी बारीक करून २-३ मिनिटे परत झाकण ठेऊन शिजवून घ्या.
   
7. आता गॅस बंद करा व हे फिलिंग गार होण्यासाठी ठेऊन द्या.

पराठ्याच्या कव्हर साठी :

1. कणकेमध्ये १/२ टीस्पून मीठ, २ टीस्पून तेल घालून हळू हळू पाणी घालत पोळीच्या कणकेप्रमाणे थोडी मऊसर कणीक भिजवून घ्या.
2. भिजविलेली कणीक झाकून १५ मिनिटे मुरायला ठेवा.

पुढील कृति :

1. कणकेचा अंदाजे २" गोळा घेऊन साधारण तेवढाच मोठा फिलिंगचा गोळा त्यात भरा व वरून दाबून बंद करून घ्या.
2. हाताने दाबून थोडा चपटा करून घ्या व लाटण्याने गोलसर लाटून घ्या. खूप पातळ न करता साधारण १/२ से.मी. जाड ठेवा.
3. लाटताना वाटल्यास थोडी थोडी कोरडी कणीक लावायला हरकत नाही.
   
4. तव्यावर टाकून दोन्ही बाजूंना थोडे थोडे तेल सोडून पराठा खमंग भाजून घ्या.
5. असेच सर्व पराठे तयार करून घ्या व लोण्याबरोबर आणि एखाद्या लोणच्याबरोबर गरम गरम वाढा.