वऱ्याचे तांदूळ आणि शेंगदाण्याची आमटी रेसिपी

तांदुळासाठी :

1. वऱ्याचे तांदूळ पाण्याने धुऊन घ्या व सगळे पाणी काढून टाका.
2. त्यावर १ कप पाणी ( तांदूळ मऊ हवे असल्यास १ & १/२ कप पाणी घाला) आणखीन घालून गॅस वर शिजायला ठेवा.
3. उकळी आल्यावर तसेच उकळत ठेवा व पाणी तांदुळापर्यंत आले कि गॅस बारीक करून झाकण ठेवा व शिजू द्या.
4. मधे मधे एक दोनदा हलवा व सगळे पाणी संपले की गॅस बंद करा.

दाण्याच्या आमटीसाठी :

1. दाण्याच्या कुटात अंदाजे १/४-१/२ कप पाणी घालून मिक्सर मध्ये बारीक वाटून घ्या.
2. पातेल्यात तेल/तूप गरम करून त्यात जिरे घाला व त्यावरच १ & १/४ कप पाणी घाला.
3. त्यात आमसुलं, मीठ व तिखट घाला व तसेच दाण्याच्या कुटाची वाटून घेतलेली पेस्ट ही घाला.
4. आमटीला उकळी आल्यावर मधे मधे हालवत, तसेच ३-४ मिनिटे आणखीन उकळू द्या.
5. मग गॅस बंद करा.

वाढताना :

गरम गरम वऱ्याचे तांदूळ, शेंगदाण्याच्या गरम आमटी बरोबर वाढा. आवडत असल्यास सोबत लिंबाचे उपासाचे गोड लोणचे व बटाट्याची उपासाची भाजी ही त्याबरोबर वाढा.