ढोकळा – इडलीच्या पिठाचा रेसिपी
Print

ढोकळा – इडलीच्या पिठाचा रेसिपी

By मार्च 11, 2021

इडलीच्या पिठाची इडली करून जर कंटाळा आला असेल तर त्याच पिठापासून बनविलेला हा झटपट खमंग ढोकळा तुम्हाला खूप आवडेल. अगदी हलका-फुलका व रवाळ असा हा ढोकळा कोथिंबिरीच्या किंवा खोबऱ्याच्या, किंवा कोणत्याही साऊथ इंडियन चटणी बरोबर छान लागतो.

Ingredients

Instructions

  1. इडलीच्या पिठात डाळीचं पीठ घालून मिसळून घ्या. डाळीच्या पिठाच्या गुठळ्या राहू देऊ नका.
  2. त्यातच आलं, मिरच्या, मीठ व सायट्रिक ऍसिड घालून मिसळून घ्या.
  3. त्यावर सोडा घालून सगळं चांगलं फेटून घ्या.
  4. आता सर्व पीठ एका तेल लावलेल्या भांड्यात घालून, दुसऱ्या एका तसराळ्यात पाणी घालून (वर व्हिडिओत दाखविल्याप्रमाणे) त्यात वाफवायला ठेवा.
  5. १५ मिनिटांसाठी, वर झाकण ठेऊन वाफवायला ठेवा.
  6. ढोकळ्याला वाफ येईपर्यंत एका छोट्या कढईत १ & १/२ टीस्पून तेल घालून त्यात मोहरी घाला.
  7. मोहरी तडतडल्यावर त्यात हिंग व तीळ घाला.
  8. तीळ किंचित ब्राउन होईपर्यंत परतून घ्या व मग गॅस बंद करा.
  9. ही फोडणी पूर्ण गार व्हायला ठेऊन द्या.
  10. १५ मिनिटं वाफ आल्यावर ढोकल्याच्या पिठात एक टूथपिक घालून तपासून पहा.
  11. जर टूथ पिक कोरडी बाहेर आली तर गॅस बंद करा नाहीतर आणखीन थोड्यावेळ वाफवून घ्या.
  12. आता ढोकळ्याचं भांडं बाहेर काढून घ्या व पूर्ण गार होऊ द्या.
  13. गार झाल्यावर कडेने सोडवून घ्या व चौकोनी ढोकळा कापून घ्या.
  14. ढोकळा बाहेर काढून घ्या व त्यावर गार झालेली फोडणी थोडी थोडी पसरून घाला.
  15. खमंग इडलीचा ढोकळा कोथिंबिरीच्या किंवा एखाद्या साउथ इंडियन चटणीबरोबर खायला द्या.