हरभऱ्याची कोरडी उसळ रेसिपी
Print

हरभऱ्याची कोरडी उसळ रेसिपी

By मार्च 3, 2021

हरभऱ्याची ही कोरडी उसळ नवरात्रीच्या दिवसांत उत्तर भारता मध्ये ही हमखास बनवली जाते. ह्याला 'सूखा काला चना' असे हिंदीत म्हणतात व शक्यतो ही पुरी व शिऱ्याबरोबर दिली जाते. ह्यासारखीच कोरडी उसळ दक्षिण भारतात ही बनवितात पण त्याची रेसिपी वेगळी आहे. दोन्ही उसळींमधे कांदा लसूण नसतो व हरभरा शिजायचा व भिजवायचा वेळ काढला तर अगदी झटपट तयार होतात व स्नॅक्स म्हणून किंवा जेवणात पौष्टिक साइड डिश म्हणून खायला फार चविष्ट लागतात. आज इथे आपण उत्तर भारतातील प्रसिद्ध 'काला चना' ची रेसिपी इथे पाहणार आहोत.

Ingredients

Instructions

  1. हरभऱ्यामधे ३ कप पाणी घालून ४-५ तास भिजत घाला.
  2. मग तीन शिट्ट्या होईपर्यंत कुकर मध्ये शिजवून घ्या. तीन शिट्ट्या आल्यानंतर गॅस बारीक करा व आणखीन अर्धा तास शिजू द्या. गॅस बंद करा व कुकर गार झाल्यावर हरभरे बाहेर काढून घ्या.
  3. हभऱ्यावरील पाणी एका पातेल्यात वेगळे काढून घ्या.
  4. IMG_4373
  5. एका कढईत तेल गरम करून त्यात जिरे व लाल मिरच्या घाला.
    IMG_4372
  6. गॅस बारीक करून त्यावरच धन्याची पूड, जिऱ्याची पूड, तिखट व मीठ घाला व अगदी थोडेसे परतून त्यावरच शिजविलेले हरभरे घाला.
  7. सगळं मिसळून, त्यावर बाजूला काढून ठेवलेलं हरभऱ्यावरचे पाणी, अंदाजे २-३ टेबलस्पून पसरून घाला.
  8. IMG_4375 IMG_4377
  9. परत सगळे मिसळून २ मिनटे शिजू द्या व मग गॅस बंद करा.
  10. IMG_4376
  11. ही कोरडी हरभऱ्याची उसळ पुरी किंवा पोळीबरोबर वाढा.