स्प्रिंग डोसा रेसिपी
Print

स्प्रिंग डोसा रेसिपी

By डिसेंबर 4, 2017

स्प्रिंग डोसा हा एक डोस्याचा पौष्टिक आणि चविष्ट प्रकार आहे. ह्या डोस्याच्या मसल्यामध्ये तुम्ही वेगवेगळ्या व आपल्या आवडीच्या भाज्या वापरू शकता. इथे मी डोस्याच्या पिठाची व बटाटा-कांदा मसाल्याची रेसिपी दिलेली नाही. ती तुम्ही पुढील मसाला डोस्याच्या लिंक वर पाहू शकता -  https://goo.gl/MpcNtA

 

Ingredients

Instructions

फिलिंग साठी :

  1. मसाला डोस्याला लागणारा बटाटा-कांदा मसाला, दोन छोटे बटाटे व अर्धा कांदा वापरून तयार करून घ्या.
  2. एका कढईत २-३ टीस्पून तेल घालून त्यात गाजरं, डब्बू मिर्ची, फ्लॉवर, व पातीचा कांदा घालून दोन मिनिटे परतून घ्या.
  3. त्यात सांभार मसाला व चवीप्रमाणे मीठ घाला.
  4. त्यातच बटाटा-कांदा मसाला ही घालून सर्व मिसळून घ्या.
  5. एखादा मिनिट सगळे परतून गॅस बंद करून टाका.

 

डोस्यासाठी :

  1. डोस्याचे पीठ तयार करून घ्या.
  2. तवा मध्यम आचेवर गरम करायला ठेवा.
  3. तव्याच्या मधोमध अंदाजे ३ टेबलस्पून डोस्याचे पीठ घालून एका पळीने किंवा चमच्याच्या मागील बाजूने गोल पातळ डोसा पसरून घ्या.
  4. डोस्याच्या कडेने व मध्ये साधारण १ टीस्पून तेल पसरून घ्या.
  5. डोसा खालच्या बाजूने किंचित गुलाबी दिसेपर्यंत वाट पहा.
  6. मग डोस्याच्या मधे ३-४ टेबलस्पून फिलिंग ठेऊन डोसा दोन्ही बाजूने फिलिंग भोवती घट्ट गुंडाळा व अर्धा कापून घ्या.
  7. गरम गरम स्प्रिंग डोसा चटणी व सांभार बरोबर वाढा.